وش أكثر شي يخليك تنقبل؟ أسرار محد يعلمك إياها عن التوظيف في السعودية
أنت يمكن قدمت كثير، راسلت شركات، دخلت مقابلات، وكل مره تقول خلاص هالمره بنقبل... لكن للأسف يجيك رفض.
طيب وش السبب؟ وش شي اللي لو سويته فعلاً يزيد فرصك بشكل كبير إنك تنقبل؟
في هالمقال، راح أقولك أشياء قليل اللي يتكلمون عنها، وبتفهم أخيرًا ليه في ناس ينقبلون حتى بدون خبره، وفي ناس عندهم خبره وما جاهم قبول.
خل نكون واقعيين شوي
السوق السعودي فيه منافسه، وكل يوم فيه آلاف يقدمون على نفس الوظيفة.
فوش يميزك؟
ترى مو بس "الشهادة" ولا "الخبرة"، فيه أشياء ثانيه تلعب دور كبير، أشياء نفسيه، وأشياء كثير ما تنقال علنًا.
أشياء تمنع قبولك بدون ما تنتبه
• سيرة ذاتية عامه ومافيها تميز
ترى HR يطفش من نفس التنسيق والكلام، بيّن له إنك مختلف.
• ما كتبت خطاب تقديم (Cover Letter)
هذا يعطي انطباع إنك جاد ومهتم بالوظيفة فعلاً، مو بس ترسل عشوائي.
• أسلوبك في المقابلة متوتر أو رسمي بزياده
خلك واثق، مريح، طبيعي، لا تصير آلي ولا خايف.
• ما عندك معلومات كافيه عن الشركة
السؤال الشهير: "وش تعرف عن شركتنا؟" إذا تلخبطت هنا، خسرت كثير.
وش يسوون الناس اللي دايم ينقبلون؟
-
يخصصون السيرة حسب كل وظيفة
ما يرسلون نفس الملف لكل الشركات، كل إعلان له ملفه. -
يتدربون على المقابلات
يراجعون أسئلة شائعه، يجهزون إجابات ذكية. -
يتعلمون مهارات إضافية ولو بسيطة
زي Excel، أو حتى دورات من منصات مثل Coursera أو إدراك. -
يستخدمون كلمات الإعلان نفس ما هي
الأنظمة تفهم الكلمات اللي في الوصف، إذا استخدمتها، تمر بسهولة.
أشياء ترفع فرصك بشكل كبير (ولا كثير يعرفونها)
• اشتغل على التهيئة النفسية قبل المقابلة
ادخل المقابلة وأنت مرتاح. لا تحفظ إجابات، افهمها. لا تتوتر، لا تتكلف، خلك طبيعي وابتسم. ترى الـ HR ما يدور موظف آلي، يدور شخص يقدر يشتغل معاه.
• خلك واضح في أهدافك
إذا سألك: "وين تشوف نفسك بعد خمس سنين؟" لا تجاوب جواب مثالي، خلك صادق: "أبغى أطور نفسي وأصير مسؤول فريق أو مختص مجتهد في مجالي".
• أرسل رسالة شكر بعد المقابلة
كثير يجهل هالخطوة. بس ترسل إيميل بسيط: "شكرًا لإتاحة الفرصة، سعيد بالتواصل معكم"، تفرق جدًا في نظرتهم لك.
• راقب أسلوبك في التواصل
حتى لما ترد على واتساب أو إيميل الشركة، خلك رسمي ومحترم، لا ترسل كلام مختصر بزيادة مثل "تمام" أو "خلاص"، خلك مهني.
جدول يقارن بين المقبولين والمرفوضين غالبًا
| النقطة | المقبولين | المرفوضين |
|---|---|---|
| السيرة الذاتية | مخصصة - واضحة - مركزة على الوظيفة | عامة - مكررة - نسخ ولصق |
| الحضور في المقابلة | واثق - مرتاح - يعرف ش يقول | متوتر - مرتبك - متردد |
| المعرفة بالشركة | درس عنها - جاب طاريها في المقابلة | ما يعرف حتى نشاطها أو مجالها |
| المتابعة بعد التقديم | أرسل شكر - تواصل بذكاء | ما تواصل ولا تابع |
| النشاط على لينكدإن | يتفاعل - ينشر - يسأل | ساكت أو ماعنده حساب أصلاً |
أسئلة كثير ناس يسألونها (FAQ)
"أنا ما عندي خبره، أنقبل؟"
إيه نعم. الشركات صارت تهتم بالمواقف، الشخصية، والطموح أكثر من مجرد سنوات العمل. خلك صريح، وبيّن إنك قابل للتعلّم ومستعد تبدأ من الصفر.
"السيرة الذاتية لازم تكون صفحة وحده؟"
مو شرط، بس لا تطولها على الفاضي. إذا عندك محتوى مهم حطه، بس خلك مختصر وواضح. أهم شي التنسيق يكون مرتب وسهل يقراه الشخص.
"إذا سألتهم عن الراتب، هل يأثر؟"
لو سألته بوقت غلط، إي نعم. لكن لو جا وقتها، اسأل بكل احترام. قل: "حاب أعرف النطاق الوظيفي والراتب المتوقع عشان أكون واضح مع نفسي".
"وش أفضل وقت أقدم فيه على الوظايف؟"
الأحد والاثنين من الصباح. كثير شركات تراجع السي فيهات أول الأسبوع، واللي يقدم أول غالبًا ينشاف أكثر.
خاتمه من القلب:
شوف، ما فيه وصفة سحرية تخليك تنقبل، لكن فيه خطوات ذكية تساعدك توصل أسرع.
إذا ضبطت السيرة، وتدربت على المقابلات، وبديت تكون شبكة علاقات، تأكد إن الفرصة راح توصل.
ولا تنسى: "كل رفض... يقربك من قبول."
مصادر موثوقة تقدر ترجع لها:
ودك تتواصل معنا؟
راسلنا من هنا: نموذج اتصل بنا
لو عجبك المقال، انسخه أو أرسله لصاحبك اللي يدور شغل، يمكن يكون سبب في تغيير حياته.
ولا تنسى تتابع المدونة، لأن الجاي أقوى.
تعليقات
إرسال تعليق