وش أكثر الأخطاء اللي تتكرر في السيرة الذاتية؟

إذا كانت صفحتين وهي كلها كلام عام، أو صفحة وحدة بس مافيها معلومات كافية... فهذا خط أحمر.

الحل:
اختصر، بس لا تفرغ. خل المعلومات مركزة، واذكر إنجازاتك بدل مهامك.

خط صغير؟ ألوان غريبة؟ أقسام ملخبطة؟ HR ما عنده وقت يفهم وش كاتب!

الحل:
استخدم قالب نظيف وواضح. ركّز على العناوين، خلك من الزخرفة.

ترى اللي يقرأ سيرتك يبي يشوف إنك كاتبها خصيصًا له، مو ترسل نفس الملف لـ ١٠٠ شركة!

الحل:
عدّل السيرة على حسب الوظيفة، غير المهارات والتركيز حسب الإعلان.

أول شي يشوفه الـ HR هو النبذة، وإذا مافيها شي يشدّه... غالبًا يتجاهل الباقي.

الحل:
أكتب لك ٣ سطور تقول فيها مين أنت، وش أقوى مهاراتك، وش تدور بالضبط.

غلطات إملائية؟ ترجمة حرفية؟ كلمات رسمية بزيادة؟ هذا كله يخلّي السيرة تطلع بشكل غير احترافي.

الحل:
راجعها، خل أحد يشيّك عليها، أو استخدم أدوات مثل Grammarly أو "مدقق Microsoft".

وش العناصر اللي لازم تكون في السيرة؟

العنصر	سيرة مرفوضة	سيرة مقبولة
النبذة التعريفية	"أنا خريج وأبحث عن وظيفة"	"مختص تسويق رقمي بخبرة سنة في حملات السوشيال ميديا"
التنسيق	عشوائي، ألوان كثيرة	بسيط، واضح، منظم
طول السيرة	صفحتين بدون محتوى	صفحة وحدة كلها نقاط مهمة
المهارات	"العمل الجماعي، الطموح"	"كتابة الإعلانات، تحليل الحملات الإعلانية"
لغة السيرة	ترجمة آلية، أخطاء كثيرة	صياغة بشرية طبيعية

السيرة الذاتية هي أول انطباع عنك. إذا ما شدّت الانتباه من أول دقيقه، ففرصتك ممكن تروح عليك.

خذ وقتك، لا تستعجل. وخل هدفك تكتب سيرة تفتخر فيها... لأنك تستاهل فرصة.

تابع مدونة فرصة عمل لمزيد من النصائح والمقالات اللي توصلك للوظيفة اللي تبيها.